Narrator: នេះគឺជាផត់ខាសរបស់ MDRT ។ ឧបកថានៅថ្ងៃនេះ មានសមាជិក MDRT ពីរនាក់មកពីទីក្រុងញូវយ៉ក។

Paula: Paula Brancato.

Jeanmarie: Jeanmarie Kricher.

Narrator: ស្ត្រីទាំងពីរបានបង្កើតអាជីពដែលទទួលបានជោគជ័យផ្នែកហិរញ្ញវត្ថុមុនពេលផ្លាស់ប្តូរមកអាជីពនេះ។ ពួកគេបានរកឃើញថា វាមិនងាយស្រួលគ្រប់ពេលវេលាទេ ក្នុង​ការស្ទាបស្ទង់មើលអារម្មណ៍អតិថិជននៅពេលនិយាយអំពីលុយនោះ។ Paula និង Jeanmarie ចែករំលែកពីរបៀបដែលពួកគេបានយល់ដឹង ពីវិធីបង្កើតទំនុកចិត្តជាមួយអតិថិជន និងស្វែងរកវិធីអប់រំពួកគេនៅខណៈពេលជួយពួកគេឱ្យការពារទ្រព្យសម្បត្តិពួកគេ។

Paula: មនុស្សជាច្រើននាក់  មិនមានបញ្ហាស្មុគ្រស្មាញផ្នែកហិរញ្ញវត្ថុទេ  ហើយពួកគេនឹងចាប់ផ្តើមសួរថាតើខ្ញុំយល់ដឹងពីអ្វីដែលខ្ញុំកំពុងធ្វើឬទេ។ ខ្ញុំបានបម្រើការងារឱ្យផ្នែកទីផ្សារហិរញ្ញវត្ថុអស់រយៈពេលជិត 40 ឆ្នាំ ហើយខ្ញុំមានសញ្ញាប័ត្រអនុបណ្ឌិតពី Harvard, ខ្ញុំមាន CFP, ខ្ញុំជាសមាជិក MDRT ។ ខ្ញុំអាចប្រើម៉ូដែល Black-Scholes ដើម្បីដោះស្រាយអ្វីមួយ ប៉ុន្តែមានការមិនទុកចិត្តយ៉ាងច្រើន ហើយវាគួរ​ឱ្យ​​រំជួល​ចិត្ត។

វាជាមូលដ្ឋានរបស់ជំនឿផងដែរ ហើយជំនឿគឺជាអ្វីមួយដែលមនុស្ស​ងប់ស្រលាញ់​  មែនទេ? ជំនឿ ហើយលោកអ្នក​មិនអាចនិយាយ​ជាមួយនរណាម្នាក់ឱ្យគេចេញ​ពីអ្វីមួយដែលពួកគេបានងប់ហើយ​នោះទេ។ ប្រសិនបើលោកអ្នកធ្លាប់សាកល្បង វាមិនដំណើរការទេ។ ដូច្នេះ ផ្នែកមួយរបស់វាគឺ​ត្រូវយល់ដឹងពីអនាគត់​អតិថិជន​ឱ្យ​កាន់តែល្អប្រសើរជាងមុន និងយល់ដឹងថាមានមនុស្សដែលមិនធ្លាប់ចាត់វិធានការឆ្លើយតបនឹងឱកាសឬវិបត្តិ ទទួលខុសត្រូវផ្នែកហិរញ្ញវត្ថុ និងធ្វើអ្វីដែលពិតជាត្រូវធ្វើនោះទេ។

ហើយមានបញ្ហាខ្លះ យើងត្រូវមានភាពអត់ធ្មត់ ដើម្បីឱ្យមានដំណើរការតាមជំហានបន្តិចម្តងៗ។ តាមធម្មតាដូចជាគ្រូម្នាក់អញ្ចឹងដែរ ដើម្បីធ្វើឱ្យមនុស្សទៅដល់ចំណុចដែលពួកគេអាចចាត់វិធានការ ហើយអ្នកទាំងអស់គ្នាស្វែងយល់ខុសៗគ្នា។ មនុស្សមួយចំនួនសម្រេចចិត្តនៅពេលពួកគេយល់ដឹងគំនិតទូទៅតិចតួច ហើយមនុស្សផ្សេងទៀតត្រូវយល់ដឹងអ្វីៗទាំងអស់ ព្យាយាមទទួលបានសញ្ញាប័ត្រអនុបណ្ឌិតផ្នែកហិរញ្ញវត្ថុ (MBA) ដោយខ្លួនឯង មុនពេលពួកគេចាត់វិធានការណាមួយ។

Narrator: ហើយនៅពេលនិយាយអំពីការឆ្លើយតបនឹងការបដិសេធនោះ បញ្ហាជាក់ស្តែងអាចចំណាយមួយរយៈពេល ដើម្បីបង្ហាញឱ្យឃើញការពិត។

Paula: ខ្ញុំមានមិត្តភក្តិម្នាក់នៅក្នុងអាជីវកម្ម ដែលពូកែអស្ចារ្យខាងការហៅទូរស័ព្ទ ហើយគាត់អស្ចារ្យណាស់ ព្រោះគាត់គ្រាន់តែនិយាយថា “អូខេ អស្ចារ្យ" ហើយគាត់នៅតែបន្ត​និយាយ​ហាក់ដូចជាគ្មានការបដិសេធបានកើតមានឡើងនោះទេ។ វានឹង​ជំនះ​មនុស្ស​បន្តិចម្តងៗ ហើយគាត់មានក្តីសង្ឃឹមខ្លាំងណាស់។ “អូ៎ រឿងនោះ ពិតជាអស្ចារ្យណាស់។ នោះជាសម្តីដ៏អស្ចារ្យ។ ហើយយើងនឹងទៅដល់ចំណុចនោះ ហើយអនុញ្ញាតឱ្យខ្ញុំប្រាប់លោកអ្នកអំពីរឿងនេះ”។ ហើយបន្ទាប់មកគាត់បន្តនិយាយពីចំណុចដែលគាត់ចង់និយាយ។

ខ្ញុំមិនសូវជា​ក្លាហានទេ​ក្នុង​វិធីនោះ។ វាគឺមិនមែន​ជាស្ទីលរបស់ខ្ញុំទេ ប៉ុន្តែខ្ញុំបានយល់ដឹងច្រើនពីគាត់ អំពីការ​មិនត្រូវ​ទទួលយកក្តីបារម្ភ ហើយ​ត្រូវ​បន្តដំណើរកាទៅមុខទៀតរហូតដល់អ្នកបានជំនះលើ​ការបដិសេធជាក់លាក់ ហើយជាធម្មតាការបដិសេធដំបូង មិនមែនជាការបដិសេធជាក់លាក់ទេ។ ការបដិសេធលើកទីពីរ មិនមែនជាការបដិសេធជាក់លាក់ទេ។ ពេលខ្លះកិច្ចប្រជុំលើកទីបី ជាពេល​ដែល​លោកអ្នក​ទទួលបានការបដិសេធ​ជាក់ស្តែង។

ខ្ញុំធ្វើការជាមួយស្ថាប័នជំនួញយ៉ាងច្រើន ហើយបើយើងទាំងអស់គ្នាជួបជុំគ្នានៅតុមួយនេះ យើងឥឡូវនេះកំពុងសិ្ថតនៅក្នុងស្ថាប័នជំនួញមួយ អាចមានរឿងជាច្រើនដែលលោកអ្នកនិងដៃគូរបស់អ្នកនឹងចែករំលែក ហើយមានរឿងច្រើនទៀតដែលលោកអ្នកនឹងមិនចែករំលែក។ ដូចជានៅពេលអ្នកណាម្នាក់ក្នុងចំណោមលោកអ្នកចង់ចាកចេញពីអាជីវកម្ម  អ្វី​ដែល​ប្រពន្ធ​របស់អ្នក​គិត​អំពី​ការធ្វើជំនួញរបស់អ្នក កន្លែងដែលអ្នក​រក​ឃើញ​ភាពស្មោះ​ត្រង់ និងកន្លែងរៀបគម្រោងរធ្វើផែន​ការស្នងតំណែងរបស់អ្នក។

ជាថ្មីម្តងទៀតពេលខ្លះរឿងទាំងនេះ មិនដែលនិយាយនៅក្នុងកិច្ចការជំនួញ ឬពួកគេមិនបានគិតអំពីរឿងនោះទេ។ ស្ថាប័នជំនួញខ្នាតតូចនិងមធ្យម 80% ភាគរយ បិទទ្វាររបស់ពួកគេនៅពេលស្ថាបនិកចាកចេញ។ ហើយនៅពេលបច្ចុប្បន្ននេះ មនុស្សទាំងអស់នេះ កំពុងស្វែងរកការងារធ្វើដែវាជាការខ្ជះខ្ជាយ​ធនធាន​ជាខ្លាំង។ រួមទាំងបុគ្គលិកនៅក្នុងស្ថាប័នជំនួញផ្ទាល់ខ្លួនរបស់យើង យើងមិនមានការធ្វើផែនការស្នងតំណែងទេ។

មានរឿងជាច្រើនដែលលោកអ្នកអាចធ្វើបាន ប៉ុន្តែលោកអ្នកមិនធ្វើ។ សម្រាប់ខ្ញុំវិញ ខ្ញុំគិតថា ខ្ញុំយល់ដឹងថា ខ្ញុំមិនអាចទទួលយកការបដិសេធដំបូងដោយគ្មានការគិតនោះទេ ពីព្រោះតាមធម្មតារឿងនោះមិនគួរ​ដូច្នោះទេ។ ហើយវាអាចចំណាយមួយរយៈពេល ហើយវាអាចត្រូវ​ការ​ការ​ចំណាយពេលនិយាយជាមួយមនុស្សដោយឡែកពីគ្នា ដើម្បីស្វែងយល់​យ៉ាងជាក់លាក់ថាតើមានអ្វីកើតឡើង ដើម្បីឱ្យលោកអ្នកអាចចូលទៅរក​ពួក​គេ​ហើយ​អាច​ធ្វើការបាន។

 វាកើតឡើងជាញឹកញាប់ ហើយខ្ញុំប្រាកដថាអ្នកទាំងអស់គ្នាមានបទពិសោធន៍នេះ ពេលដែលលោកអ្នកនិយាយជាមួយប្តី ហើយគាត់ទំនងជានិយាយាថា “យេ តោះយើងធ្វើវា”។ ហើយគាត់និយាយបន្តទៀតថា “ខ្ញុំធ្វើការសម្រេចចិត្ត” ហើយ​ពេល​គាត់ចូលមក​វិញ​ម្តង​ទៀត​គាត់​បែរជានិយាយាថា “ប្រពន្ធខ្ញុំមិនចង់ធ្វើបែបនេះទេ”។

មែនទេ។​ ដូច្នេះ ការព្យាយាមឱ្យអ្នកធ្វើការសម្រេចចិត្តចូលមក​និយាយដែរ ហើយជាញឹកញាប់ជាគូស្វាម៉ីភរិយា ឬជាដៃគូ នឹងផ្តល់​ឱ្យ​យើង​នូវ​គំនិត​ខុសគ្នាយ៉ាងខ្លាំងអំពីអ្វីដែលយើង​ត្រូវធ្វើ។ ពេលខ្លះពួកគេមិនបាននិយាយអំពីរឿងនេះទេ។ ខ្ញុំមានស្ថានភាពជាមួយគូស្វាមីភរិយាវ័យក្មេង ដែលយើងសាកសួរបែបនេះថា តើអ្នកមានកូនប៉ុន្មាននាក់? មានកូនម្នាក់។ តើអ្នកចង់មានកូនទៀតទេ? ហើយបុរសនោះ និយាយថា ទេ។  ហើយស្ត្រីនិយាយថា ចាស ឬក៏ផ្ទុយទៅវិញ។ ហើយបន្ទាប់មកពួកគេមើលមុខគ្នាទៅវិញទៅមក។ ឬគូស្វាម៉ីភរិយាដែលចូលនិវត្តន៍។ ពេលខ្លះខ្ញុំធ្វើលំហាត់ប្រាណបន្តិចបន្តួចជាមួយពួកគេ ហើយខ្ញុំនិយាយថា “គ្រាន់តែសរសេរលើក្រដាសមួយសន្លឹកប៉ុណ្ណោះ។ អ្នកទាំងអស់គ្នាសេរសេរផ្សេងគ្នា​ហើយ​មិនត្រូវមើលគ្នា​ដើម្បីពិនិត្យ​ថាតើអ្នកចង់ចូលនិវត្តន៍នៅអាយុប៉ុន្មាន ហើយលោកអ្នកត្រូវការលុយប៉ុន្មាន?”

ខ្ញុំមិនដែលមានគូស្វាម៉ីភរិយាណា​ដែលពួកគេយល់ព្រមនឹង​គ្នា​នោះទេ។ មិន​​ធ្លាប់មានទេ។ ដូច្នេះវាជាការពិភាក្សាមួយដែលមនុស្សមិនមានពីមុន​រហូតដល់ពេលខ្លះ ទាល់តែ​ស្ថានភាពនោះមក​ដល់ពួកគេ ដែលទំរាំពេលនោះ​វាជា​ពេលវេលាដ៏លំបាក​មួយ​ក្នុង​ការ​ចាប់ផ្តើមរៀបចំផែនការ។

មានការបដិសេធខ្លះពួកគេចង់និយាយ មានការបដិសេធខ្លះពួកគេពិតជាមានអារម្មណ៍ដឹង ហើយបន្ទាប់មកមានរឿង​អ្វីដែលពិតជាមានសារៈសំខាន់ ហើយជាញឹកញាប់ទាំងនេះជាសាច់រឿងបីខុសគ្នា ហើយលោកអ្នកគួរ​ឱ្យពួកគេ​គិត​ដល់​ដំណើរការរឿង​ដែលមានសារៈសំខាន់ ប្រសិនបើលោកអ្នកអាចធ្វើបាន។ ប្រសិនបើលោក​អ្នក​ពិបាក​ឱ្យ​គេ​ប្តូ​រគំនិត​ពួកគេមិនមែនជាអតិថិជនល្អទេ លោកអ្នកនឹងបាត់បង់ពេលវេលារបស់អ្នក ដើម្បីព្យាយាមជួយមនុស្សដែលមិនចង់បានជំនួយ។

ពេលខ្លះខ្ញុំអាចប្រាប់បាន ថាតើគូស្វាមីភរិយានឹងសិ្ថតនៅក្នុងចំណងអាពាហ៍ពិពាហ៍យូរប៉ុណ្ណា តាមរបៀបដែលពួកគេប្រព្រឹត្ដនៅក្នុងបន្ទប់។  ខ្ញុំអាចដឹងរឿងនោះ ស្ទើរ​តែភ្លាមៗបាន។ ខ្ញុំអាចដឹងបានថាតើស្ថាប័នជំនួញមួយនឹងមានដំណើរការ ឬអត់ អាស្រ័យលើរបៀបដែលមនុស្សរាប់អានគ្នាទៅវិញទៅមកនៅក្នុងស្ថាប័នជំនួញនេះ។ តើខ្ញុំអាចដឹងពីដើមដំបូងបានទេ? អត់ទេ។

ខ្ញុំចង់មានន័យថា ខ្ញុំមានអតិថិជនម្នាក់ដែលខ្ញុំបានដឹងថាមានអ្វីមួយកំពុងកើតឡើង ហើយមានភាពតានតឹងមួយចំនួនរវាងដៃគូជីវិត​របស់​គេ​ប៉ុន្តែសាច់រឿងនោះគឺថាដៃគូម្នាក់កំពុងរុញចេញដៃគូ​ម្នាក់ទៀត ហើយប្រាក់ដែលទទួលបាន​ដែល​នឹងត្រូវចំណាយសម្រាប់​ផែនការដែលយើងបានដាក់បញ្ចូលគ្នានោះ​បានមកពីវិនិយោគិនដែលចង់បាន ... អាជីវកម្មនេះ ទើបតែរីកចម្រើនហួសពីសមត្ថភាពរបស់ដៃគូម្នាក់ផ្សេងទៀត ដើម្បីធ្វើអ្វីមួយជាមួយរឿងនេះ ហើយពួកគេនឹងត្រូវបង់​ប្រាក់​ឱ្យ​គាត់ថយចេញ ហើយពិតជាគ្មាននរណាម្នាក់និយាយជាមួយគាត់អំពីរឿងនេះទេ ហើយគាត់ជាអ្នកដែលអនុវត្តផែនការនេះ។

ដូច្នេះ តើពួកគេអាចប្រាប់បានថាអ្នកណាជាអ្នកផ្តល់ប្រឹក្សាយោបល់ដែលល្អ ហើយតើអ្នកណាដែលមិនល្អឬទេ? អញ្ចឹង ពួកគេនឹងធ្វើរឿងនោះ ដោយផ្អែកលើរបៀបដែលពួកគេគិត។ ដូច្នេះ រឿងនោះពិបាកណាស់ ពីព្រោះអ្វីដែលលោកអ្នកគិតនោះ មិនត្រឹមត្រូវគ្រប់ពេលទេ។ វាជាចំណែកទិន្នន័យ​តែ មួយ​ប៉ុណ្ណោះ។ អ្វីដែលលោកអ្នកគិតនោះ គឺជាចំណែកមួយទៀត។ ភាពសមហេតុផល គឺជាចំណែកមួយទៀត។ អ្វីដែលលោកអ្នកត្រូវការនោះ គឺជាចំណែកមួយទៀត។ ហើយជាថ្មីម្តងទៀត មនុស្សដែលស្មុគ្រស្មាញខ្លាំង ធ្វើឱ្យមានកំហុសធំណាស់។ វាពិតជាលំបាកណាស់ចំពោះការដាក់វិន័យ។ ការងាររបស់ខ្ញុំភាគច្រើន បង្រៀនមនុស្សឱ្យចេះគោរពវិន័យ។ លោកអ្នកប្រកាន់ខ្ជាប់ផែនការ ដែលលោកអ្នកមិនដែលខ្វល់ខ្វាយពីទិសដៅដែលទីផ្សារកំពុងដំណើរការទៅកាន់។ លោកអ្នកមិនត្រូវ​ខ្វល់ខ្វាយពីអ្វីដែលកំពុងកើតឡើង ក្រៅពីអ្វីដែលកំពុងកើតឡើងនៅក្នុងជីវិតរស់នៅរបស់អ្នកនិងអ្វីដែលលោកអ្នកត្រូវការនោះឡើយ​។

រឿងនោះ គឺជាផែនការហិរញ្ញវត្ថុដ៏ទូលំទូលាយ។ វាចាប់ផ្តើមនៅទីនេះ តើលោកអ្នកត្រូវការអ្វីខ្លះ? តើលោក​អ្នក​ចង់បាន​អ្វីខ្លះ? ខ្ញុំនឹងធ្វើឱ្យប្រាកដថា លោកអ្នកអាចទៅដល់ទីនោះ ដរាបណាលោកអ្នកធ្វើអ្វីដែលយើងបានដាក់ជូន លោកអ្នកនឹងទៅដល់ទីនោះដោយមិនគិតពីទិសដៅដែលទីផ្សារដំណើរការ ទៅរក លោកអ្នកដឹងទេ ដោយវា​ផ្ទុយពីពេល​លោកអ្នកទៅពិធីជប់លៀងមួយ ហើយមាននរណាម្នាក់និយាយថា អូ៎ ប្រសិនបើមាននរណាម្នាក់និយាយថា “តើគូប្រកួតប្រជែងធំបំផុតរបស់អ្នកគឺជានរណា?” គូប្រកួតប្រជែងធំបំផុតរបស់ខ្ញុំ គឺអ្នកដែលចូលរួមក្នុងពិធីជប់លៀង ដែលនិយាយថា “ខ្ញុំទទួលបានប្រាក់ចំណេញលើប័ណ្ណរបស់ខ្ញុំ 20% ភាគរយកាលពីឆ្នាំមុន”។ ដំបូងនោះគឺថា​គាត់មិនចេះបូក​លេខទេ ប្រសិនបើលោកអ្នកពិនិត្យមើលផលប័ត្រសញ្ញាប័ណ្ណរបស់គាត់ វាមានប្រហែល 2% ភាគរយ ហើយទីពីរនោះគឺថា​ គាត់មិនបង្ហាញរបាយការណ៍របស់គាត់ទេ ហើយទីបីនោះគឺថា​តើ​ឆ្នាំមុនសំខាន់​ត្រង់​ណា? តើមានហានិភ័យអ្វីខ្លះ? តើមានប្រាក់ចំណេញអ្វីខ្លះ?

Narrator: Jeanmarie ធ្វើការកំណត់អត្តសញ្ញាណភាពអត់ធ្មត់នឹងហានិភ័យពិតប្រាកដចំពោះអតិថិជនរបស់នាង។ បន្ទាប់មកត្រូវប្រាកដថា ពួកគេធ្វើការវិនិយោគយ៉ាងត្រឹមត្រូវ។

Jeanmarie: ខ្ញុំពិតជាធ្វើការងារបានល្អណាស់ ដូច្នេះខ្ញុំមិនទទួលការហៅទូរស័ព្ទនាពេលអនាគតទេ។ ដោយសារតែខ្ញុំប្រាប់ពួកគេថា វានឹងកើតឡើងរហូតដល់ថ្ងៃដែលលោកអ្នកស្លាប់។ ដូច្នេះបើលោកអ្នកមិនអាចដោះស្រាយរឿងនោះបានទេ ការវិនិយោគអាចមិនមែនសម្រាប់លោកអ្នកទេ។ ខ្ញុំមិនត្រូវការអតិថិជនផ្សេងទៀតទេ។ វាហាក់ដូចជាលោកអ្នកអាចដោះស្រាយបញ្ហាការកើនឡើង និងការធ្លាក់ចុះទីផ្សារបាន។

ខ្ញុំដឹក​នាំពួក​គេ​ឆ្លង​កាត់​ភាពអត់ធ្មត់នឹងហានិភ័យ ហើយវាមានការកំណត់តឹងរឹងណាស់។ ទោះបីជាលោកអ្នកជាអ្នកអភិរក្សក៏ដោយ វាជាការធ្លាក់ចុះដ៏ធំមួយផងដែរ។ ឧបមាថា​​ស្ថានភាពប្រថុយ​ក់បំផុត គឺការធ្លាក់ចុះ 43% ភាគរយ។ ដូច្នេះហើយអ្នកទាំងអស់គ្នា អតិថិជនរបស់ខ្ញុំទាំងអស់គឺជាវិនិយោគិនដែលហ៊ាន​ប្រថុយ​ខ្លាំង​ប៉ុន្តែខ្ញុំពិតជាចង់ធ្វើឱ្យប្រាកដថា ពួកគេយល់ដឹងថា​ការធ្វើ​ដូច្នេះ​មានន័យថាយ៉ាងដូចម្តេច។ ដូច្នេះខ្ញុំប្រាប់ពួកគេថា មិនអីទេ ដូច្នេះហើយបើយើងមានមួយរយ មានន័យថាឥឡូវនេះយើងមាន 57 ហើយតើលោកអ្នកមានអារម្មណ៍យ៉ាងណាចំពោះរឿងនោះ? ហើយពួកគេមាន់​មាត់​ថា​ មិន​អីទេ។ អញ្ចឹងខ្ញុំផ្តល់ជូនតួលេខពិតប្រាកដដល់ពួកគេ ហើយខ្ញុំប្រាប់ពួកគេថា មិនអីទេ ឥឡូវនេះយើងមានតួលេខនេះ ហើយថ្ងៃក្រោយយើងមាន ... ឬនៅដំណាច់ឆ្នាំ ឬនៅចុងខែយើងមាន Y ។

ហើយបើពួកគេស្ទាក់ស្ទើរ សូម្បីតែមានចំនួនតិចតួចក៏ដោយ ក៏ខ្ញុំប្រាប់ពួកគេថា លោកអ្នកមិនសូវ​ហ៊ាន​ដូចលោកអ្នកគិតនោះទេ។ ដូច្នេះខ្ញុំប្រាប់គាត់ថា ហេតុអ្វីយើងមិនឈានដល់កម្រិតនេះ? ហើយខ្ញុំនិយាយ ប៉ុន្តែខ្ញុំនឹងប្រាប់លោកអ្នកពីមូលហេតុ។ រឿងនោះមានន័យថា លោកអ្នកត្រូវតែវិនិយោគចំនួនទឹកប្រាក់បន្ថែមទៀត។ ប្រសិនបើលោកអ្នកមិនអាចទទួលយក​ដំណើរការវិវត្តន៍នោះទេ លោកអ្នកត្រូវដាក់​ប្រាក់តិចតួចបន្ថែមទៀត។

ដូច្នេះ យើងឈានដល់កិច្ចព្រមព្រៀងមួយចំនួននៅពេលនោះ។ ដូច្នេះនៅពេលយើងមានការធ្លាក់ចុះទីផ្សារ​ 4%  ឬ 5%  ខ្ញុំមិនរំពឹងថានឹងមានការហៅទូរស័ព្ទមក​រកខ្ញុំទេ។ តាមពិតខ្ញុំទទួលបានការហៅទូរស័ព្ទពីរបី ដែលចង់ធ្វើវិនិយោគបន្ថែមទៀត។ ពួកគេនិយាយថា “តើនេះមិនមែនជាអ្វីដែលអ្នកនឹងហៅថាជាឱកាសទេឬ?” ហើយខ្ញុំនិយាយថា “ប្អូនប្រុស​អ្នក​បានស្តាប់នៅកិច្ចប្រជុំទាំងនោះ មែនទេ?” ហើយខ្ញុំនិយាយថា “បាទ វាជាឱកាសមួយ” ។ ដូច្នេះយើងនិយាយអំពីចំនួនដែលត្រូវវិនិយោគ​បន្ថែម។ ឧបមាថាមានអ្នកណាម្នាក់មករកខ្ញុំ ដែលមនប្រាក់  $800,000 ដុល្លារ ហើយពួកគេនិយាយថា ពួកគេនឹងផ្លាស់ប្តូរទៅ ... ពួកគេចង់បានអ្នកផ្តល់ប្រឹក្សាយោបល់ម្នាក់ទៀត។

មិនអីទេ យើងមានការសន្ទនាទាំងស្រុងអំពីមូលហេតុដែលពួកគេមិនចង់នៅក្នុង​ស្ថាន​ភាពដែលគេ​មាន។ ប្រសិនបើពួកគេនិយាយប្រាប់ខ្ញុំថា “ អូ៎ ខ្ញុំខាតបង់លុយ” ។ ខ្ញុំនិយាយថា “ខ្ញុំនឹងដាក់អ្នកនៅក្នុងផ្សារហ៊ុនតែមួយ ដូច្នេះខ្ញុំត្រូវយល់ដឹងពីអ្វីដែលអ្នកពិតជាមិនចូលចិត្តអំពីបុគ្គលនោះ" ។ ប្រសិនបើវាពិតជារឿងនោះមែន ឥឡូវនេះមានអ្នកណាម្នាក់ផ្សេងទៀត មានវិធីផ្សេងសម្រាប់ការដោះស្រាយរឿងនោះឬទេ។ មនុស្សអាចនិយាយថា ខ្ញុំអាចធ្វើបានល្អប្រសើរជាងនេះ។ ខ្ញុំមិនដែលនិយាយបែបនោះទេ។ ខ្ញុំនឹងដាក់ការវិនិយោគរបស់អ្នកនៅក្នុងផ្សារ​ភាគហ៊ុនតែមួយ។

ប្រសិនបើអ្នកមិនចូលចិត្តផ្សារហ៊ុន អ្នកនឹងមិនចូលចិត្តទេដោយ​វិនិយោគជាមួយខ្ញុំ។ ហើយខ្ញុំនិយាយ ប៉ុន្តែតើអ្នកជួបជាមួយបុគ្គលនោះញឹកញាប់ប៉ុណ្ណា? អញ្ចឹង ប្រហែលជាពួកគេមិនដែលជួបគ្នាទេ។ ប្រហែលជាពួកគេនិយាយតាមទូរស័ព្ទ ហើយខ្ញុំនិយាយថា “ប្រហែលជាអ្នកចង់មានទំនាក់ទំនងជិតស្និទ្ធជាងមុន ពីព្រោះខ្ញុំពិតជាចង់ឱ្យអ្នកជួបខ្ញុំពីរដងក្នុងមួយឆ្នាំ”។

ដូច្នេះខ្ញុំបានកំណត់មូលហេតុដែលពួកគេមិនសប្បាយចិត្តទោះបីជាពួកគេបានប្រាប់ខ្ញុំថា X ក៏ដោយ​។ តាមធម្មតានៅពេលពួកគេធ្វើការជាមួយនរណាម្នាក់ ហើយពួកគេមានទ្រព្យសម្បត្តិដល់​កម្រិតនោះ ទ្រព្យសម្បត្តិរបស់ពួក​គេ​សិ្ថតក្រោមការគ្រប់គ្រងទៅហើយ​។ ហើយទ្រព្យ​ទាំងនោះនៅក្នុងមូលនិធិផ្សេងគ្នា ហើយខ្ញុំនាំពួកគេទាំងអស់មក។ ខ្ញុំប្រាប់ពួកគេថា ខ្ញុំមិនមានបញ្ហានឹង​អ្វីដែលបានធ្វើនោះទេ រហូតដល់ខ្ញុំពិនិត្យមើលវា ហើយខ្ញុំពិតជាចាំបាច់ត្រូវការជួបអ្នកពីរដងក្នុងមួយឆ្នាំ ប៉ុន្តែអ្នកត្រូវយល់ថា វាជាផ្សារភាគហ៊ុនតែមួយទេ។ ក្នុងករណីវាធ្លាក់ចុះ វាត្រូវធ្លាក់ចុះ។ ក្នុងករណីវាកើនឡើង វាត្រូវកើនឡើង។ រឿងនោះហើយ ជារបៀបដែលការសន្ទនាមានដំណើរការ។

Narrator: សូមអរគុណ​ចំពោះការ​ស្តាប់។ ប្រសិនបើលោកអ្នកចង់ចុះឈ្មោះយល់ព្រមទទួលព័ត៌មាន​ សូមស្វែងរកផតខាស MDRT នៅក្នុងកម្មវិធី iTunes ឬ SoundCloud ។ យើងនឹងជួបអ្នកនៅពេលក្រោយទៀត។